Sér Boris loks ljósið?... hvað með Willum?

FréttaMiðillinn verður að játa sig sigraðan hvað spádóma varðar. Boris Johnson hefði líklega ekki orðið fyrir valinu í spádómum er varða ljósið við enda ganganna. En öllum að óvörum lýsir hann því nú yfir að hætta eigi þessum þrálátu, þráhyggjukenndu og úr hófi ýktu aðgerðum á borð við gagnslausa grímunotkun og gegndarlaust fár eins og alhliða borgaralegt "hlýðniskírteini". 

Hvort hans nálgun er til að vekja vonarneista hjá fólki, eða hvort þetta er einfaldlega vegna þess að hann og fleiri skitu upp á bak í partýstandi, eða hvort hann er með enn verra slóttugt plan með nýju afbrigði sem tryllir alla, er óvíst ennþá. En eitt er víst og það er að þetta voru einfaldlega bestu fréttir vikunnar og urðu að öllum líkindum til þess að heilbrigðisráðherra Íslands kom með yfirlýsingar sem lofa nokkuð góðu nú um helgina. 

Vonarneistinn sem þessar fréttir vekja ásamt þeim er forsætisráðherra Spánar kveikti þegar hann hvatti ESB-elítu-einkavini sína til að stilla til friðar og frelsis er vissulega kærkominn. Nú er spurning hvort elítan fer þá leið að viðurkenna fyrir pöpulnum að þetta kóvitafár er núna árstíðabundin flensa, og meira að segja nokkuð væg með nýjasta uppáhalds afbrigðinu sem við ættum að taka fagnandi að smitast af og jafnvel að skella í ómíkrónu partý! 

Á sama tíma má finna misvitra "snillinga" á Íslandi og um víða veröld sem vilja þvinga og skylda fólk til að láta sprauta sig með úreldum efnum fyrir nú vægri kvefpest. Þeir miður vitru snillingar vilja meira að segja ganga svo langt að skylda fólk til að ganga um með persónuverndaðar upplýsingar úr sjúkraskrá og vísa þeim fram í tíma og ótíma! Minnir all verulega á óhugnarlega tíma í Þýskalandi síðustu öld.

Já, farsinn er orðinn nokkuð ýkt farsakenndur með "vitringana" misvitru í fararbroddi á leið þeirra á sökkvandi skipi inn í ofríkisblætið. Megi landsmenn allir og mannkynið í heild sinni verða þeirrar gæfu aðnjótandi að Dolos og "vitringarnir" verði nú afhjúpaðir einn af öðrum sem fatalausu keisararnir  og blekkingar bullur sem þeir í raun eru.  


Er lygin sönn eða er "sannleikurinn" lygi?

IllusionFréttaMiðillinn tekur því fagnandi og fegins hendi að nú loksins ætli fólk sem komið er með samviskubit að hætta að taka þátt í blekkingarleik Dolos. FréttaMiðillinn hefur hitt Dolos á vegi sínum all nokkrum sinnum og alltaf verið jafn undrandi á færni hans til að ná að sannfæra grunlausan almúgann um blekkingar sínar og lygar. Hann hefur einstakt lag á því að fá nytsama auðtrúa "sérfræðinga" og grunlausa, einfalda ... í för með sér - trekk í trekk og aftur og aftur. Ljúgandi hér, ljúgandi þar, ljúgandi er hann alls staðar. Sí og æ. æ og sí og aldrei fær hann nóg af því.

Ólíkt öðrum fréttamiðlum þarf þessi FréttaMiðill ekki að biðjast afsökunar á því að hafa tekið þátt í svikamyllu Dolos því FréttaMiðillinn hlustar á samviskuna og heiðarleikann ásamt því að hafa greiðan aðgang að heimildarmönnum með betri vitund handan við hornið. 

Svikamyllan, blekkingarnar og ljóti vellandi gröfturinn er nú að koma fossandi út úr graftarkýli Dolos sem hefur legið eins og mara og sálsuga á samfélagi manna um víða veröld i alltof langan tíma.

Í greftinum má greina sannleikskornin sem við hefðum átt að sjá fyrir löngu síðan. Sannleikskorn sem eru að verða að stóru fjalli í einn stóran sannleika þar sem lygarnar og blekkingarnar verða afhjúpaðar ein af annarri. Náið ykkur í byrgðir af poppi og kók því sýningin fer nú brátt að hefjast fyrir alvöru. Búast má við stórskrítnum vendingum í síbreytilegum söguþræðinum. 

Talnaspekingar Dolos hafa flutt misvísandi og rangar tölur af stöðu mála alveg frá upphafi. Svindlið er svo víðtækt að það nær yfir ALLT ferlið, frá A-Ö; grímunotkun, lokanir, takmarkanir ýmis konar, próf, smit, innlagnir og dauðsföll. Núna koma þeir fram einn af öðrum til að draga úr og afsaka eigin hlut í blekkingarleiknum á meðan sóttvarnarlæknir heldur dauðataki í auglsýnilega valdatauma blekkingarleiksins. Hann einfaldlega getur ekki sleppt.

Hefur handbendum Dolos verið fjárhagslega umbunað fyrir vel unnin störf í þágu þessa langt í frá góða málstaðar? Manni er spurn, en fátt er um svör - en þó vitum við öll að það er svo. 


Wikipedia þekkir alræmdan Dolos þokkalega vel og hefur þetta um hann að segja:
"In 
Greek mythology, Dolos or Dolus (Ancient Greek: ΔÏŒλος "Deception") is the spirit of trickery. He is also a master at cunning deception, craftiness, and treachery. Dolos is an apprentice of the Titan Prometheus and a companion of the Pseudea (Lies).[citation needed] His female counterpart is Apate, who is the goddess of fraud and deception. His Roman equivalent is Mendacius. There are even some stories of Dolos tricking gods into lies."


Grímublæti eða grímulaus ást?

jim carrey mask minniFréttaMiðlinum hefur borist fregnir af því að andlitssérfræðingar og doktorar á hinum ýmsu sviðum hafi nú verið kallaðir út til þess að meta útbreiðslu grímublætis meðal sálsjúkra kóvita í fárinu mikla. 

Miðillinn veltir því fyrir sér hvort þetta stafi af því einu saman að fólki finnist annað fólk ekki nægilega frítt og þá helst til frekar forljótt ef út í það er farið. 

Síkátir sérfræðingar komust að þeirri ofurnákvæmu niðurstöðu að bein fylgni er á milli sálfsýkinnar og grímublætisins. Sérfræðingarnir klóra sér þó í höfðinu yfir sérstökum minnihlutahóp sem ekki hrífst af andlitsbleyjublæti. Sá hópur virðist eiga það sammerkt að skjálfa ekki eins og hríslur í vindi þegar minnst er á ómíkrónhorið og virðist stunda af miklu kappi grímulausa ást. 

Mikil óvissa ríkir um málið. Hjartans sérfræðingar handan við hornið velta nú fyrir sér hvort verði ofan á, ást í leynum bak við grímu eða grímuleysið uppmálað. 

FréttaMiðillinn telur að meðalgreint fólk og yfir (aðallega yfir) geri sér grein fyrir því að svona grímulausri smellasmölun ætti ekki að falla fyrir. 

VARÚÐ - SMELLASMÖLUN!

Fólk meira aðlaðandi með grímur (mbl.is)


Geðveiki handan greiningartækja?

Will sanity return enn minniFréttaMiðillinn er nú í stöðugu sambandi við geðlækna og sálfræðinga handan við móðuna miklu sem keppast við að greina stöðuna á ráðherrum, þingmönnum, sóttvarnalækni og félögum hans í fárinu mikla.

Vangavelturnar ganga einna helst út á hvort um sé að ræða einhvers konar geðveiki og/eða kvíða á stigi sem er handan greiningartækja þegar sturluð hugmynd um útgöngubann er sett fram vegna kvefpestar. En nýlega hefur komið i ljós að ómíkrónan er einna helst að valda aukningu á hori. Hún þykir því heldur óskæð kóróna í samanburði við aðrar kórónur.
 
Miðillinn spáir því jafnframt að nú fari fleiri og fleiri ofurskynsamir borgarar að bætast í hóp þeirra sem hætta að fara einkennalausir í endalaus próf í eins konar samfélagslegu átaki til að ljúka fárinu. Þá mun einungis standa eftir sú spurning hvort veita þurfi sóttvarnalækni og félögum aðhlynningu og meðferð við vitstolinu og áfallastreituröskunarröskun sem og tekjumissisröskunarröskun. Gróa á næsta leyti hvíslaði því að bróðursynir landlæknis væru í svona lyfjabisness og svo væru alls kyns stórar bónusgreiðslur til sumra stundaðar í fárinu. 

FréttaMiðillinn vill vara við klikkum á fréttir tengdar kórónuæðinu því það nærir aðra fréttamiðla í framsetningu og tekjuöflun af fárinu. 

EKKI KLIKKA!

Um bloggið

FréttaMiðillinn

Höfundur

FréttaMiðillinn
FréttaMiðillinn

FréttaMiðillinn er einstaklega einlægur í nálgun sinni á satíru, grín og glens og tekur reglulega inn grínamín. Miðillinn fær hugmyndir og miðlar stöffi úr öllum áttum og gerir sér fulla grein fyrir stöðu sinni sem "fréttabloggari" samkvæmt rúvstöðlum og stælum og telur enga ástæðu til að flækja það neitt frekar. 

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband